Пішу пасля Вашай заявы 19 снежня перад членамі новага Савета Рэспублікі Нацыянальнага Сходу, аб тым што, захад рыхтуе 14 тысяч незалежных назіральнікаў, якія збіраюцца сачыць за ходам прэзідэнскіх выбараў у восень наступнага года.
Хто ў нас пытаўся аб тым патрэбны яны альбо не, не вядома для чаго іх будуць рыхтаваць, магчыма гэта будуць баявікі, - так заявіў Прэзідэнт.

Ну вось, дагаварылісь. Як вы сабе ўяўляеце на Беларусі баевікоў у спадніцах? Чаму у спадніцах? Таму што на выбарах у так званую Палату Прадстаўнікоў Нацыянальнага Сходу РБ па Маладзечанскай выбарчай акрузе №86, большая палова незалежных назіральнікаў былі жанчыны, якія з абавязкамі назіральнікаў справіліся выдатна, і несупраць весці назіранне на прэзідэнскіх выбарах?

Па іх дадзеным выбары не адбыліся, а камусь-ці хацелася каб адзін з шасці кандыдатаў абавязкова прайшоў. Пажаданна вертыкальшчыкі зрабілі ўсё каб так і адбылося, нават не гледзячы на закон. І што дрэннага зрабілі назіральнікі? Хіба тое, што прымушалі камісіі працаваць па законе?

 Я лічу, наадварот, патрэбна ўхваляць такую ініцыятыву незалежных назіральнікаў, каб, як хтосці казаў, "камар носу не падтачыў " наконт недэмакратычнасці выбараў. Дарэчы, А.Р., прыемна было удзельнічаць у выбарах прэзідэнта ў 1994 годзе. Тады яны былі дэмакратычнымі, ніхто ў свеце з гэтым не спрачаўся. Дык чамуж Вы так кепска ставіцеся да сваіх беларускіх назіральнікаў? Яны ж проста хочаць каб усё было па законе. А Вы як хочаце?

Акружны каардынатар ад БХК па г. Маладзечна Эдуард Баланчук

т. 7-48-09