> Пресс-релиз 10.12.2000 10.12.2000 Прэс-рэліз Мітынг у Маладзечна з нагоды 52-й гадавіны Усеагульнай Дэкларацыі Правоў Чалавека   У Маладзечне 10 снежня 2000 года святкавалі 52-гую гадавіну прыняцця усеагульнай дэкралацыі правоў чалавека. Ініцыятыўная група грамадзян, якая уваходзіць у кааліцыю дэмакратычных сіл горада, падала заяўку у гарвыканкам на правядзенне мітынгу. Як заўседы выканкам дазволіў правядзенне мітынгу у гарадскім парку. На мітынг прыйшло каля 300 чалавек. У паветры над сабраўшыміся луналі сцяг Еўра Саюзу і бел-чырвона-белыя сцягі. Сярод выступоўцаў на мітынгу былі: Аляксандар Капуцкі, які узначальвае Міжраённае грамадскае аб'яднанне "Рэгіянальный цэнтр грамадскіх ініцыятыў"; Нэлі Барысаўна Шлойда - кіраўнік гарадской арганізацыі Беларускай Сацыял-дэмакратычнай партыі Народная Грамада; Эдуард Баланчук - старшыня Маладзечанскага аддзялення РГА "Беларускі Хельсінскі Камітэт"; Андрэй Фёдаравіч Буслаўскі - намеснік старшыні Маладзечанскага прадстаўніцтва Абяднанай Грамадзянскай Партыі; Вячаслаў Сіўчык - сябра Сойму БНФ "Адраджэнне"; пенсіянер з Маладзечна які не назваўся. На пляцоўцы, адкуль гаварылі выступоўцы, побач з імі стаялі маладые хлопцы адзетыя у кашулі на якіх былі надпісы: "Дзе яны?", а таксама выявы зніклых у Беларусі вядомых людзей: Юрыя Захаренкі, Віктара Ганчара, Анатолія Красуцкага, Дзмітрыя Завадскага. На мітынгу раздаваліся брашуры з текстам Усеагульнай Дэкларацыі Правоў чалавека на беларускай і расейскай мовах і нумар газеты "Рабочы". Асаблівы інтэрес гатая брашура выклікала у супрацоўнікаў міліцыі. Ад пачатку да канца мітынга вялася выдэаздымка супрацоўнікамі Маладзечанскага ГРАУС. Мітынг прайшоў спакойна. Усе бакі засталіся задаволены. Эдуард Баланчук паведаміў прысутным пра фальсіфікацыю выбараў у Палату Прадстаўнікоў Нацыянальнага Сходу Республікі Беларусь па 86-й выбарчай акрузе. Неллі Шлойда звернула увагу на цяжкае становішча дзяцей-інвалідаў. Пра жабрацкае жыццё рабочых, медакаў, настаўнікаў, пенсіянераў расказаў Андрэй Буслаўскі. Вёў мітынг Алесь Капуцкі, які распавёў пра Декларацыю і яе гісторыю, і пра тое, як адпавядае нашае сённяшняе жыццё артыкулам гэтага усеагульнага міжнароднага дакумента. Маладзечанскае аддзяленне РГА БХК.

Напиши Веб-мастеру